antagonistak

Power for Powell

2008-10-21T01:39:00.000-07:00

Olatuak alde hartzea beti du surfistak gogoko.Handiak, bere bizitzako olatuaren zain.Begira aritzen dira, itsasoari begira, eta beta daukatenean, dzanga itsasora, buruz aurrera. Gure powell, surfisten antzera, gerra non aurkituko, gabinetez gabinete, ibili zaigu bere bizitzan.

Gomendioak emanez, Reagane, Bush aita semeii.Gerraren dinamikan aritu izanak, hildako guztiak,edarto ahazteko, bere ibilbidearen azken aldera, lurrin goxoz busti du bere burua.

Obamak, gisa horretako warlord bat, esku zabaltasunez hartu izanak, nor den Obama ohartarazi behar gaitu, boterearen kudeatzailea, atzerriko politikan, ezer gutxi aldatuko duen gizona.

Errepublikarra edo demokrata…ez ahaztu, batzuk printze titulua daukate.Alderdi politikoaren gainetik daude, alderdi batean zein bestean, gobernari batekin zein bestearekin, bere mandatu pertsonalean, boteretik aldendu gabe.

Horixe da, Powellek egingo duena.Lotsatu gabe, orain mendia orain itsasoa.Orain arraina, eta orain okela.Baina dikotomia faltsua da, saltzen digutena.Orain boterea, gero boterea da egin duen aukera.

150 milloi $ demokrateii hauteskunde kanpainarako.Hortxe hasi dira, shockaren kudeatzaileak, batari eta besteari dirua emanez.Diruaren aldera egin du dzanga Powellek.

Nahiz eta McCain eta Pallin bezalakoak izan americano autoktono gehienak, Obamak ezer gutxi aldatuko du.Change we need, jartzen du, hautagaiaren azpi aldean, berbetan ari denean, baina etxe zuriko aldaketa garaiak bukatu dira.
Gaur egun USAko politika aldatzeko, presidentea afroamerikarra izatea baina gehiago behar da.Power for powell eta aldaketarik ez.

Algore, lets go to the hardcore

2008-10-17T00:58:00.000-07:00

Berriz ere lixkar politikoaren muinean, 200000 euro gastatuz, lehendakaritza, gizabanakoaren kontzientziazioan datorkigu.Hau, agenda elektoralen parte garbia da.Aurpegi zuriketa, lotsabakoa, gorritu gabe, denon izenean, denon mesedetan, denon diruarekin.

Beltza dena, berdez margotu.Hitzaldi ponpoxo batekin egiten dena izkutatu.Horixe da mugimendu sozialen erantzuna izan behar lukeen jopuntua.Ezin dezake esan jaurlaritzak denon jaurlaritzak, AHT, eta mega proiektu handiak egiten dagoen momentuan, ekologismoaren aldekoa denik.Gutxiago ez kutsatzearen aldekoa denik, gehiago kontsumitzeko bultzatzen gaituenean.Beste behin ere,EAJ.Ez Adarrik Jo.

Harira joan behar gara.Ados egoera larria da.Ezin daiteke horrela, sistema honekin aurrera joan.Zerbait aldatu behar da. Ok.Ba ados gaude, diagnosian.Baina erantzunean ez, bilatu beharreko irtenbidean ez.Beste behin ere, sektore bati lapurtu dizkio jaularitzak ama lurraren aldeko diskurtsoak.Bere agenda elektoralak eskatzen diolako.

Bi dira, gaurkoan ere, betiko moduan, hirukoaren zereginak.Batetik, egiten ari den sarraskia izkututa eta estali.Bestalde ari denaren itxura eman, saldu eta barreiatu. Aurpegia zuritu eta botuak irabazi.Horixe da r.Dahlen partitokrazian alderdi batek egin behar duena.

Beste bi nobel sari ere hartuko ditu, horrela jarraitzen badu.Inoiz ez duelako ikutzen ikutu beharrekoa.Inoiz ez da agendaratzen agendaratu beharrekoa.Beste batzuk alda dezatela.Horixe da errezena.Aldatu behar da esan, eta ezertxo ere egin ez.Eta makiavelikoena egiten denaren iruzurrean lasai asko ibiltzea da.Egiten denaren inpresioa, irudia eman ezer egin gabe.

Mejon deizuela Jaurlaritza & cos. Beste behin ere gazte askok paso egitea, politikaz lortu duzue.Horixe da instituzio zonbion zeregina, boterearen itsutasunean, kobazulo hortan, trintxera egin eta herritarrok inozoak bagina moduan utzi.Datuek hala erakusten dute, %72ak ez du zuengan sinisten, ez dute politikan interesik, ez zaituzte ezagutzen.Arrotzak, urrun eta beste klase bat zarete.

Partehartzen du jendeak, hain zuzen ere, zuen paratxiringitoetan ez partehartuz.Paso eginez.Ikutzen dioten gauzak inoiz ez dira aldatzen, eraldatzen, berrikusten…hori da Algoreri eta zueri esan behar zaizuena, herritar moduan, Algore, lets go to the hardcore.

Ahaztu zaizue betiko moduan, botuak geuk ematen ditugula. Gu barik ez zaretela ezer. Gure zerbitzuan aritu behar zaretela eta ez alderantziz, zuen alderdiaren zerbitzu etengabean, denon diruarekin, denon izenean.

Baina beno, datuak datu dira.Bakoitzak erabaki dezala.Egiten duzuena eta esaten duzuena ez datoz bat. Urrun zaudete eta gero eta urrunago.Urrun baserritarretatik, urrun etorkinetatik, urrun gazte prekariotatik, urrun emakume alargunetatik, urrun gazteotatik, urrun ikasle unibertsitarioetatik, urrun jubilatuetatik eta urrun beste ekonomi eredu baten egikaritzetik.

Zuen arazoak badu izena!!!Euskal Herria deitzen da!!!

2007-12-19T13:26:00.001-08:00

Demokratak eta biolentoak zioen M. Zubiagak irakurtzeko gomendatu zidan lehen liburuak.Hantxe, bertan adierazten du J. Azurmendik era paregabean, oro razional, morala den demokraten paradigma eta ez garenon arteko desberdintasuna.Lehenengokoa arraz da apartheidirianoa. Antagonismoaren ukapen sistematikoa du oinarri.Baina kuriosoa bada ere izaerari eusteko etsaia behar du Demokratak.Biolento gabe ez dago demokratarik.
Biolentoak garenok, terroristak garenok, beste nazio baten legedietan gaudelako biolentoak bilakatzen gara automatikoki,segituan.Jakin gabe.Etsaiak ez du ez urik ez laguntzarik behar etsai gara, al Qaeda AEBrentzat den neurrian, gu ere gizanbanakoaz beherazko izaki bilakatu gara Espainiar legediarentzat. Delitua argia:gure Nazioan sinestea.Gure nazioa Euskal Herria dela esatea eta hau praktikara eramatea.

Baina gure tragikomedia honetan, heldu beharreko auzia, egiteke dagoena da.Euskal Herria nazioa dela uste dugun gehiengo zabala gara.Gehiengo zabal honek nazio bat garenez erabakitzeko eskubidea behar duela uste dugu.Nazioa bezela egikaritzeko eskubidea.Teorian eta Praxian.Bietan.

Hauxe bihurtu da delitu.Eta delitua kafkiano bihurtu da.Ezin dezakegu biolentoak izateari utzi,nahita ere,aldez aurretik gara biolentoak. Euskal demokraziarik ez da existitzen.Espainiako eta Frantziako demokraziak sistematikoki, urtez urte zapaldu gaitu, Euskal herritar bezela, bai arlo kolektiboan eta bai indibidualean.Euskal Demokrazia ezkutatu duzue zuen oro arrazioanala den condena/no condena trikimaila zikinarekin.

Espainiar zuzenbidearentzat terrorista adjetiboa aldatzea posible den neurrian (hauteskunde hurbiltasunak erabakitzen du)posible ez dena da Euskaldun jaio, euskaldun bizi eta honi errefusapena ematea.
Hau ez da kartzela zigorraz ezabatzen Murillo anderea..Ezinezkoa da.Hauxe da Espainiarren ezintasuna.Dena dituzte, aparatu guztiak, politikoak, mediatikoak ,soziologikoak, heziketakoak, ekonomikoak…..baina

Euskal Herriak hor dirau gogor eta osasuntsu.Ez zuten lortu iragandakoek eta ez duzue lortuko zuek ere.Zuen arazoak badu izena eta Euskal Herria deitzen da!!!Ez gara geldituko, 18/98, udabiltza, Batasuna,egin, egunkaria,eta jarrai/haika/segi…gerra Zikina deklaratu duzue,joko Zikina bihurtua, estatu teorrismoa egikaritua.

Gaur ere beste mila ta 500 arrazoi baino gehiago eman dizkiguzue gure nazioan sinisteko.Gure Herrian sinisteko.Gure izate eta nortasunaren alde borrokan jarraitzeko.Sozialismoa eta Indepedentzia, Gora Euskal Herria Askatuta!!!

Ez gaituzue ixilduko!!!

2007-12-15T01:38:00.000-08:00

UPV demokrazia zero!!!

http://www.youtube.com/watch?v=-wzdzIR-zy0&feature=user

Utzi bakean Euskal Herria

2007-11-30T10:45:00.000-08:00

Irakasleak Klasera orain !!!

Dozentziaren duintasuna eta adibidetzat inor izan badut lau urte hauetan, hori UPVko lizentziatura honetan, Mario Zubiaga irakaslea izan da.Atzo izan nintzen berarekin eta gaurko bere atxiloketak hunkitu, mindu eta ezgaitasuna sentiarazten dit.

PSOEk hauteskundeetan bozka gehiago izan dezan eta PP bezain espaiñola izateko grin cath all party.rianoan, etorkizunean etorriko den desmilitarizazioa militarraren bidean, Estatuak indartsu agertzeko aukera bakoitza ez du galtzen.Kartzelak betetzen ari dira, gelditu barik.Guzti honen aurrean erantzun beharra dauka Euskal gizarteak.Denak ez du balio.

Herri honen benetako gatazka ez da militarra.Gatazka politikoa da.Politikoa.Hain zuzen ere,bere buruaren jabe izaten uzten ez dioten Estatu Espaiñol eta Frantsezean hirukatua izan den Nazioarena.Gaurko atxiloketak, beste behin ere gure gobernarien borondate falta nabarmena eta ez gaitasun ikaragarriaren islada dira.

Gure zuzenbide propioa behar dugu.Orain arteko gobernarien klasea ez da gai izan hau lortzeko.Baina Euskal Herria nazio bada, bere legedia behar du bere auzitegiekin.Espainiako legedian preso agertzen da Euskal herritarren aske izateko borondatea.Ez dago ezer egin beharrik kartzelara joateko.Aski da jada ezbaia terrorismoarekin ezkontzeaz.

40 pertsona hauek, nire irakasle eta lagun dudan Mario tarteko, euskaldun izatearren kartzelara doaz.Euskal Herria existitzen dela esatearren kartzelara doaz.Euskal Herriko pertsona sentitzearren kartzelara doaz.Tamaina honetako bortxa baten aurrean ezin gara ixildu.

Dena da Botuak lortzearren.Agendetan hirugarren mailan daukate euskal herriko gatazka politikoa.Alderdi gobernariak gatazka politikoaren kudeaketarekin zenbat botu eta nolako errentabilitatea atarako duten pentsatzen dabiltzalako etengabean. Bilboko merkatuan arrain saltzaileak regateoan ibiltzen diren moduan.Eta ezker abertzaleko jendea txontxongiloak bagina bezela erabiltzen gaituzte eta jolasten dute gure bizitzekin.Hau onartezina da.Demokrazian ezin daiteke honakorik onartu.Demokrata batek ezin dezake jo bere burua demokratatzat hau ikusi eta isiltzen bada. Eta non dago, herritarron nahia?Guk ez diegu honelako inozokeria eta ankerkeriarik eskatu.Baina hauxe da euskal eta espainiar eta frantziar partitokraziaren komeria.Herritarron nahiak ez direla korporazionala den mentalitate elektoralisten logikan sartzen.Eta hauxe momentu honetako Euskal Herriko gatazkarik handiena.Daukagun egungo klase politikoak ez du balio dugun arazoari konponbidea emateko.

Euskal Herriak beste behin ere erantzungo duelako esperantza guztiak ditut.Baina nik hori baino gehiago nahi dut,nire ikaskidea izan den Arkaitz ere nire ondoan ikusi eta irakaslea den Mario ere bai.Hori lortu arte ez gara geldituko.Gora Euskal Herria askatuta!!!

Bihotz bi jomuga bakarra...Akastasuna eta Sozialismoa

2007-10-12T04:05:00.001-07:00

Txikia naiz, txikia eta ez dut hazi nahi...gustura sentitzen naiz txiki izanda..txikiak gehiago gara handiak baino...eta handiek ahaztu dute txiki izatea zer den..idatzi didate graffiti bat, baina ez dakit irakurtzen..ukatu didate txikia izatea..baina ez dut esan handia naizenik..eta aurrera goaz atzekoz aurrera...txikiak handirik ez duela behar ohartu naiz, baina handiak handi azaltzeko behar du txikia...txikia naiz ;) eta zu?

Iban zientzia politikoetako Ikaslea

Tanto a Aznar como al ex presidente Felipe González, Marcos los tilda de «bufones de la monarquía», y al juez Baltasar Garzón le califica de «payaso grotesco» por haber declarado ilegal «la lucha política en el País Vasco».«Después de hacer el ridículo con ese cuento engañabobos de agarrar a Pinochet (que lo único que hizo es darle vacaciones con los gastos pagados), demuestra su verdadera vocación fascista al negarle al pueblo vasco el derecho de luchar políticamente por una causa que es legítima», asegura el guerrillero....échenle muchas ganas, nos veríamos en algún momento, en alguna parte, cuando este mundo, el País Vasco, los pueblos indios en México y toda la gente que lucha por su liberación la encuentre donde la tiene que encontrar: abajo y a la izquierda.

Marcos Subkomandantea

thanks Bush Junior

2007-09-09T04:40:00.000-07:00

Do it yourself esaldiak gero eta esangura, jakimin eta hausnarketa gehiago ekartzen ditu egunetik egunera.Gobernantza bat ezarri da munduan, URSS delakoa jausi zenetik, estrukturalisten sistema teorikoak ez du adibide praktikorik nazioarteko gizarte globalean.Nahizta ezkertiar klasiko asko, Venezuela eta Boliviara begira egon.Aldaketa, europarren eskuetan eta etorkizuneko asian dago.Txirotasunaren desberdintasunak handitu dira, nahiz eta gero eta dolar gehiago dituen munduko pertsona bakoitzak, kontsumismoaren gizarte liberal demokratikoetan aberats ahaldunen eta ezindu pobreen arteko aldeak areagotzen daude.
Dependentzia fenomenoa giltza den Ipar-Hego ardatzean ematen da, kanpo zorra kudeaketa horretarako tresna apropos-aproposa da.G8 taldea ,nazioarteko segurtasun kontseilua, Nafta, Asean, MB,MME dira azken batean, norabide neoliberalistetan, globalitarismoaren makina abiadura bizian elikatzen dutenak.Gizartearen ordenu berriaren diseinua egin, sortu,aplikatu eta zabaltzen ari direnak.
Guzti honi failed state kontzeptua gaineratzea beharrezkoa zaigu.Westfaliar sistemaren ametsa gainbeheran dago, ezin ahaztu genezake hala ere, legitimazioari dagokionean, hiritarrekiko koertzio botere maximoa estatuek dutela gaur egun ere, multinazionalekin tartekatua.
Hiru agenda global desberdin aipatzen dira nazioartean,hauek ekonomikoa, politikoa eta militarra dira.Baina hirurek, neoliberalismopean dauden mugen barruan aplikatzen diren ezaugarri amankomuna dute eta hau ezin genezake ahaztu.Kontrol segurtasunaren izenean hartzen diren neurriak, eta hartu direnek,ezer gutxi dute eskubide zibil eta politikoei buruz egin den NBEren aitorpenarekin.Itxura denez nigeriar batentzat eta saharar batentzat denbora pasatzeko antzeztoki bihurtu da NBE.Deliberazioak egiten dira, proposamen bikainak, ausartak ere bai…baina maila diskurtsiboan gelditzen dira, beste mundu bat posible dela esaten dutenen kaltetan.
Maila ekonomikoan, ardatz berria, duten hazkunde handia dela eta ASIA pazifikoan kokatu da. Europa eta AEB beraien orainarteko hegemoniaren kudeaketa, bideraketa Japoniak izango du, onuradun zuzena bilakatuko da.Txina, india eta herensegu asiarren eskulan merkeaz eta merkatuko nagusitasunaz onurez baliatuko dira herrialde aurreratuak.
Transnazionala den ordenu berrian enpresa multinazionalak beraien espantsionismoari bide emateko joko zelai paregabea dute, espekulazio eta merkatu librea deitzen dutena garatu, zabaldu eta bultzatzeko.Arestian aipatu dudan bezala, guzti honek txiroenak eta baldintza urrienak dituzten nazio ekonomien aurrera begirako baliabideak guztiz xahutzen dituzte, jokoan jokatzeko ateak zarratzen dizkielarik, baztertu egiten dira.Sistemaren dohiketak, funtzionamenduak eragiten du hau, modu normalean jarraitzeko, ezinbesteko baldintza da bazterketa.
Arlo militarrean ez dago oraindik AEB baino handiagoa den armadarik.Munduko ahaltsuenak diren estatuek badakite inoiz baino hobeto armak izatea, burujabetza dela eta nazio batuen papera handitzearen kontra agertzen dira.Inbertsioak maila estatalean egiten dira baina Nazio Batuen urteko aurrekontuan ez dute igo, arlo honetan inongo partida berezirik.
Guzti honek eragin zuzena dauka Sri lankako edo Tuterako hiritar baten bizitzaren antolaketa, sozialean.Komunikazioan kulturan, hizkuntzan hezkuntzan, elikaduran, soldatetan eta kontsumo patroietan.
Bush, Rumsfeld, Wolfowitz….doktrina neokontserbadoreak badu atzekaldean koltxoi bat, multinazional korporazioena, globalitarismo neoliberalak aurrera jarrai dezan.Beldur mediatikoa zabaltzeko ere baditu bere sare mediatikoa mundu guztian sustraitua.Egunero zertan hitz egin behar dugun bizi garen lekutik milaka km tara erabakitzen dute.Beldurra, intoxikazioa mediatikoari hezkuntzaren espezializazio beldurgarria gaineratu behar diogu, gauza baterako automatak behar ditu gizarte ultrakontsumistak, merkatuaren mesedetan.Orojakitunak soberan daude,eztabaida filosofikoak soberan daude, ez da ezbaian jartzen klase ekonomikoa eta berauen pribilegioak.Tabu bilakatu dira.
Rasero bikoitza erabiltzen da albisteak ematerakoan, diruduna edo txiroa zaren arabera.Hori gaur eguneko herrialde aurreratuetan dagoen apartheid.a da.Dirudunak ahaldunak dira boteretsuak, heziketa maila altua daukate, gizarteko goi karguak eta enpresak euren eskuetan daude, klase politikoa barne.Bestalde jende txiroa daukagu, ahulak botere mailari begiratzen badiogu,zailtasunak ikasketa zehatzak egiterako orduan,zailtasunak enpresako goi karguak izateko orduan, zailtasunak leku guztietan.
Beharbada hortxe dago gaur eguneko benetako gakoa, Bush azken finean txontxongilo bat da.Atzean panpina izango balitz bezela benetako indarra daukaten multinazionalen buruak daude.Telebistan eta kate mediatikoetan agertzen ez direnak.Non bizi diren ere ez dakigunak.
Beraz,Bush jaunari eskerrak eman behar dizkiogu,hauteskundeetan iruzurra egitearren, Irakeko inbasioa unilateralki,nazioarteko zuzenbidearen gainetik salto egitearren, egunero AEBko moralitate kaxkarra ikusten dugulako.Marrazki, telesail,albiste,…gure aisialdia beraien antzerakoa bihurtzen ari gara.Bush jauna eskerrikasko.Berak egindako astakeria zibil,sozial eta ekonomikoak munduan ez balira ez ginateke jakitun izango gizakia noraino heltzeko gai den boterean dagoenean.Politologo jakintsuek badute zer aztertu G.W.Bush junior.en bizitzari buruzko ikerketa egin ostean.Bitartean thanks Bush! Itsu diren pertsonei ere ikusmena ekarriko diezu egindako ankerkeriengatik.Eta eraten nagon Coca-Cola hau bukatzean beste ume bat hilko da egarriz.Denon eskuetan dago zerbait egitea.Eta lehenengo muga buruan daukagu.

Lekittoko egoera ez demokratikoari buruz

2007-06-17T02:04:00.000-07:00

Zerreda bozkatuenari gobernatzeko aukera ematearen aldeko asko agertzen dira lekeition.Horren adibide pasadan larunbateko kargu hartzeak.Baina badago herritarron sektore handi bat, aurrekoa baina handiagoa, aldaketa gogoa nahi izan duguna, horren alde bozka eman genuenak.Aldaketa posible izan da nafarroan, posible iparraldean aldaketarako gogoa dutenen bozkak batuta.Hau kontuan izanik, honatx nire galdera:zergatik ez da posible izan formula hau Lekeition?Herritarren interesak partiduaren interesen gainetik jartzen baditugu eta lekeitiorentzat gure onena nahi badugu.Zergaitik ez gara gai zerrenda bat egiteko eta behin betikoz politika eskumati eta espaiñolak baimendu eta zilegiztatu dituen alderdi hau gobernutik kentzeko.Beraien alderdikoak lehenengo herritar egiten dituen alderdi hau ez dugu merezi lekeitiarron gehiengo zabala garenok.Hori baino maila handiagodun politikariak dira, ANV eta EA alderdi politikoetako zerrendetan aurkeztu direnak lekeition.Aurrera begira hausnarketa hori egin behar genuke.Udalak herritarron ispilu demokratikoa izan behar luke.Baina denona den lekeition ez da horrela izan.Eskuindarrei beraien bidea isteko bide bakarra eta alternatiba koherente eta legetimazio guztizkoa, gu danok osatzen duguna da;danok diodanean herritarron gehiengo osoaz ari naiz,ANV+EA alderdien baturaz hain zuzen ere, zerrenda bateratu batzuk egin eta posible izango da, herri hau beraien negozio propietarako erabiltzen dutenak alkatetzatik behin betiko aldentzeko, aniztasuna aberastasuna delako.

Baina ez dut ulertzen hau zergatik ez den posible izan.Lekeitio sozialago,kulturalago,euskaldunago eta azken finean denon partehartzea zilegiztatuko duen lekeitio bat, herritarren lekeitio nahi dugunak gehiengoa bait gara.Kontsentsua, elkarrizketa, akordioa,distentsioa…horren berba potoloak ahotan erabili bakarrik ez, praktikan jarri behar genituzke egunoroko miniskulaz idazten den politikan, ez alderdiaren onerako baizik eta lekeition bizi garen herritarron mesedetarako.Eskuina irrifartsu agertzen da ezkerra zatituta, baina herri honetako sektore progresiboak, sozialdemokratetatik hasi eta komunistak arte, herri honen gehiengo zabala osatzen dugu.Nahizta batzuk lortutako aulkiak eta soldatak txanpainagaz busti, gehiengoa aurrez aurre dute beste alderdian.Lekeitiarron eskubideak urratuta izanda ere bere burua alkate izendatzen duena ez da alkate.Justu kontrakoa adierazi dute hautestontziek, lekeitiarrok aldaketa nahi dugula, eta gehiengo nagusiak aldaketa nahiago dugula.Hau onartzen ez duena ez da alkate.Bere herritarren egoera ez demokratikoaz berarentzako negozio politikoa egiteko baliatzen dena,gutxiengoaren izenean bere buruaren izendapena eginez,ez da denon alkatea.Partiduaren burua, jefea,txeriffa edo nahi duena izango da baina inoiz ere ez lekeitiarron alkate demokratikoa.Herriaren gehiengo zabalak aldaketarako borondate argia adierazi zuen hautekundeetan.Hau handiagoa da, bere burua izendatzeko erabili dituen bozkak baino.Hau baino gehiago merezi dugu, aldeketaren aldeko bozka eman zutenei nire zorionik beroenak gehiago gara eta lortuko dugu.

Euskal Herriko Unibertsitate Publikoa non dago?

2007-06-13T10:16:00.000-07:00

Eliteak eta administrazio goi karguak sortzen dituen ugaltegia badago gure inguruan ere.Horren egundoko adibidea da,Deustuko unibertsitate elitista kontserbadorea.Ikusi besterik ez dago diruaren eta negoziaren zurtoinak eta oinarriak bertatik garatuko direla aurrerantzean ere.Baina badaude beste aktore aktibo batzuk gelditu gabe, eliteak sortzen, birsortzen eta sistemaren goi maila ikutu ezin egiten dutenak.Besteak beste, bilboko merkatal ganbararen eskola, empresaburuen seme alabak master eta abarrak eginez, mundu laboralean abantailez beterik bideratzen dituena edota bestela azken urteotan egundoko,180 graduko ziaboga eman duen Mondragoiko unibertsitatea.Aipatu ditudan horiek ez dira publikoak, ez noski.Gizarte burges klasistaren ispilu argi dira.Eta non dago azken finean Euskal Unibertsitatea? non dago euskal goi mailako heziketa bermatuko duen egitura publikoa, denontzako izango dena.Ez da komeni eta ez da egongo.Gizartearen eta zurtoinak eusten dituztenek ez dute inoiz utziko Euskal Unibertsitate Publikoa eta duin bat izan dezagun.Bigarren plano batean gelditu den goi merkatutik at eta beronen mende bigarren planoan tatarrez dabilen baskongadetako unibertsitate, antzuan kapatuan, ikasle izateak kriston amorrua ematen dit.Amorrua makurtzen garela eta pentsamendu menderatu batez hezitzen gaituztelako, amorrua ez dudalako ikusten benetan ikasle mugimendu kritikorik, amorrua ez dudalako hausnarketa bideak egiteko lekua izan behar duenean, monologoa besterik entzuten...amorrua lau pankarta berdin eta slogan murritz batzuk entzuten ditudalako...aniztasunaren hauspoak ez dira ikusten, ultrakontsumoaren gizarte espainiarreko unibertsitate sekundario den Leioako UPVan...normala deritzot heziketa publiko euskaldun unibertsitario bat nahi duen ikasleak Euskal Herriko unibertsitae publikoa non dagoen galdetzea.Zuk zer deritzozu?

ETAren agiriari buruzko hausnarketa

2007-06-06T00:47:00.000-07:00

Denboraz ari dira alderdi politikoak, baina denbora erlatiboa da, denbora gutxi denbora asko, hori nola neurtu.Akaso intentsitatea kontutan hartu beharko litzateke, txuri beltzeko argazki honi,kolore pixkat eransteko.Hau da zenbat gauza egin duen batak eta besteak denbora tarte horretan.Gaurkoan, ETAk su etena bukatutzat eman ostean ondoko galderak datozkit burura.
1.Nola geunden su etena hasi orduko?
2.Nola genuden su etenean?
3.Nola gaude orain?
Su etena lortzeko, Anoetako diskurtsotik abiatuta transbertsalitatea izpide hartunda, alderdi desberdinen arteko topaketak, hurbilketak eman ziren.Klima bortitza baina, alegina ikusi zen desberdinen artetik, ondoren hau,su etenean irudikatu zena.Su etenean, batzuek eta besteek, proposamenak eta helburuak zehaztearen inguruan, akordio batera iritsiko zirela uste bazuten ere, ez da horrela izan.Porrota!!! bildu diren agente politikoena da!!! .Eta alderdi bakoitzarena, bere neurrian.Gizarteak gauza asko nahi ditu baina bat, bakea da.Beraz agente politiko desberdinek horren aldeko apustua egin beharko lukete.Hori da gizarteak emandako agindua, konponbide demokratikodun markoruntz abiatu behar ginateke.ETAk a edo b egin, guk c lortu nahi dugu.C kontestuan ETAk ez luke zertan arlo militarrean jarraitu, baino hori berak erabakiko du.Gehien harritu nauena zera da, batzuek bizitza jokatzen dutenean, bai mehatxatua daudelako, bai erakunde armatuko militante direlako,....beste batzuek bizitzeko dirua ataratzen dute, guzti honetatik.Zeintzu dira ETAren presentzia behar dutenak beraien bizitza politikoa eta ekonomikoa taxuz eramateko?Zeintzu dira benetan ETAren eta edozein biolentzia motaren desagerpena desio dutenak?Galdera hortxe kokatzen dut eta bakoitzak pixatu dezala erantzuna.
Zuk zer uste duzu?

Antagonistak

2007-06-03T10:23:00.000-07:00

Denetarik idatzi nahi dut, liburu bat ezin dudanez argitaratu nire hondar brintsa hemendik plazaratuko dut, aurrera begira.Blog honetan nire begietatik ikusten dudana azalduko dut huts-hutsean.Argazki bat sistema honi, argazki bat injustizia beteriko mundu honi, beste mundu bat badago, beste eredu bat posible da eraikitzea, antagonistak garenok badakigu.Eta horren alde lan egingo dugu.Hauxe nire lehen pausoa, baina ez azkena.